Español
Gallego
Enviado por
cofradia
el
Lun, 03/03/2025 - 12:02
No mes de febreiro levouse a cabo unha limpeza de lixo mariño nas zonas de Ostral e Calera na que participaron 36 mariscadoras e recolléronse un total de 1.222,30 quilos de lixo dos que case o 45% pertencían á categoría de plástico. O vidro/cerámica foi tamén un material moi atopado nestas zonas representando o 27% da totalidade de lixo recollido, sumando ambas categorías un 70% da totalidade.
En canto ao número de obxectos recollidos, contabilizáronse 7.014 pezas que pertencían maioritariamente ás categorías de plástico e vidro/cerámica en porcentaxes moi similares, cun 46% e 40% cada unha, superando así o 85% da totalidade de ítems recollidos. Na gráfica ponse de manifesto esta prevalencia.