Noticias

El próximo viernes 24 de septiembre a las 17.30 h tendrá lugar la tercera de las jornadas de promoción de las diferentes almejas del Golfo Ártabro organizadas por el GALP Golfo Ártabro Norte, en las que se podrá degustar almeja babosa y berberecho de Mugardos.

Las actuaciones previstan son:

• Jornadas técnicas sobre las diferentes almejas.
• Degustación del producto.
• Presentación de la exposición itinerante y del catálogo online con las diferentes almejas.

No día de onte, a Xunta Xeral desta confraría aprobou as contas anuais da entidade do ano 2023. Adxuntamos o enlace a Google Drive no cal se pode consultar o documento en PDF.
 

https://drive.google.com/file/d/14rqMZ77JNZQXm3j0DcS7VC2ObrjS3QRL/view?…

A semana pasada desenvolveuse con éxito o proxecto "Rexeneración de zonas de baixa produtividade mediante a sementeira de ameixa xapónica". Nesta iniciativa, respaldada pola subvención PE209H (Axudas a proxectos de rexeneración que permitan mellorar a produtividade dos bancos marisqueiros con problemas de pérdida de produción e que contribúan a unha mellora da xestión e conservación sostible dos recursos mariños), liberaronse 174,300 unidades de semente de ameixa xapónica nunha área fangosa de 1474 metros cadrados localizada nas inmediacións de O Seixo, na enseada de A Barca. A elección desta especie debeuse á súa boa adaptación a ambientes nos que a maioría das outras especies non poderían desenvolverse, coma a zona deste proxecto, con sustrato fangoso.

Uns días antes das actividades, foron colocadas nasas polo perímetro para retirar os depredadores que puidesen danar a ameixa (principalmente cangrexos), os cales posteriormente foron liberados ao mar nunha zona afastada dos bancos marisqueiros.

A data inicialmente prevista para a sementeira era o 14 de novembro. Non obstante, debido ás intensas chuvias dese día, que poderían poñer en risco os exemplares, decidiuse levar a cabo unicamente a remoción do sustrato (coa finalidade de facilitar o enterramento dos animais) e pospoñer a sementeira para o día seguinte, cando as condicións meteorolóxicas foron máis favorables.

Este proxecto contou cun orzamento total de 2963,10 € e foi financiado en un 75% polo Fondo Europeo Marítimo e da Pesca (FEMP) e en un 25% pola Xunta de Galicia.

Ao longo dos meses de setembro e outubro, foi levada a cabo unha rexeneración dun área fangosa de baixa produtividade da enseada de O Baño por parte da empresa “Servicios Portuarios Ferrol S.L). En dita área, de 11181 metros cadrados , foron engadidos 1677 metros cúbicos de sustrato máis groso.

A finalidade deste proxecto é contribuír ao aumento da biodiversidade dun área fangosa de baixa produtividade, xa que o novo sustrato incrementará a osixenación na zona e a superficie de fixación de organismos mariños (sexan ou non de interese comercial), o que a súa vez terá un efecto positivo sobre a biodiversidade e sobre os servizos ecosistémicos proporcionados polo enclave.

Este proxecto, enmarcado na subvención PE209B “Axudas a proxectos colectivos para a conservación e restauración da biodiversidade e dos ecosistemas mariños no marco de actividades marisqueiras sustentables”, tivo un presuposto de 53.295,69 € e foi cofinanciado polo Fondo Europeo Marítimo e da Pesca (FEMP) nun 75% e pola Xunta de Galicia nun 25%

.

O pasado setembro culminaron os proxectos asociados á subvención PE209B, adicados á recollida de lixo mariño por parte dos nosos asociados.

Entre os días 1 de xullo e 31 de agosto, os tripulantes das embarcacións “Novo Genoveva” e “O Calamar” suxeitas ao plan conxunto de extracción de zamburiña na Ría de Ferrol, adicáronse á recollida pasiva de lixo mariño ao mesmo tempo que levaban a cabo as súas tarefas habituais de pesca. En total foron retirados un total de 1640 Kg de lixo mariño, dos que un 44% eran restos de vidro e escombros, seguidos por un 21% de restos de plástico e o restante repartido entre as categorías de madeira, metal, goma e produtos variados.

Por outra parte, entre os días 23 de maio e 13 de setembro, foron levadas a cabo as recollidas de lixo activas por parte das nosas mariscadoras e mariscadores, que adicaron un total de 11 xornadas á recollida manual de lixo nas enseadas de O Baño, A Barca e Santa Lucía. Nesta modalidade, foron retirados un total de 26980 Kg de lixo, dos cales un 80 % estaba composto por restos de vidro e escombros, seguidos por restos de goma, madeira, metal e plástico. A retirada destes residuos contribuirá a reducir a contaminación física e química da nosa ría, mellorando as calidade dos ecosistemas para as especies que habitan nela.

Este proxecto foi cofinanciado polo Fondo Europeo Marítimo e da Pesca (FEMP) nun 75%, e pola Xunta de Galicia nun 25%. Grazas a tódalas persoas das institucións e da nosa entidade que o fixeron posible.

No marco da subvención PE209G (Axudas autonómicas para proxectos colectivos de modernización das infraestruturas dos portos pesqueiros, das lonxas ou establecementos autorizados para a primeira venda de produtos pesqueiros e dos lugares de desembarque, para a mellora da eficiencia enerxética, da protección do medio ambiente, da seguridade e das condicións de traballo, e da calidade e do control e rastrexabilidade dos produtos desembarcados da pesca) foi concedida a compra dunha máquina produtora de xeo.

O equipo foi colocado na habitación da cámara frigorífica empregada polos tripulantes asociados á nosa entidade, coa finalidade de contribuír a manter a cadea de frío durante os procesos de almacenaxe e transporte.

O orzamento desta subvención, cofinanciada polo Fondo Europeo Marítimo e da Pesca (FEMP) nun 75% e pola Xunta de Galicia nun 25%, foi de 20.430 €.

Enmarcado na subvención PE209G (Axudas autonómicas para proxectos colectivos de modernización das infraestruturas dos portos pesqueiros, das lonxas ou establecementos autorizados para a primeira venda de produtos pesqueiros e dos lugares de desembarque, para a mellora da eficiencia enerxética, da protección do medio ambiente, da seguridade e das condicións de traballo, e da calidade e do control e rastrexabilidade dos produtos desembarcados da pesca) foi concedido o proxecto para a restauración do chan e dos zócalos da lonxa e da habitación da cámara de frío da nosa confraría. O principal obxectivo deste proxecto foi o de aumentar a seguridade dos usuarios das instalacións e a boa calidade dos produtos da pesca mediante o emprego de pinturas con propiedades anticorregantes, antibacterianas e antifúnxicas.

O orzamento desta subvención, cofinanciada polo Fondo Europeo Marítimo e da Pesca (FEMP) nun 75% e pola Xunta de Galicia nun 25%, foi de 1920€.

Ao abeiro da subvención PE209G (Axudas autonómicas para proxectos colectivos de modernización das infraestruturas dos portos pesqueiros, das lonxas ou establecementos autorizados para a primeira venda de produtos pesqueiros e dos lugares de desembarque, para a mellora da eficiencia enerxética, da protección do medio ambiente, da seguridade e das condicións de traballo, e da calidade e do control e rastrexabilidade dos produtos desembarcados da pesca) foi concedida a compra de dúas básculas electrónicas. O obxectivo da subvención é a colocación de ambos dispositivos na lonxa da confraría (empregada polas persoas pertencentes ao sector do marisqueo a pé) e na habitación da cámara frigorífica (empregada polos armadores).  Deste xeito os socios e socias da entidade poderán realizar pesaxes dos seus produtos de xeito máis preciso, minimizando o risco de sufrir perdas económicas.

O orzamento desta subvención, cofinanciada polo Fondo Europeo Marítimo e da Pesca (FEMP) nun 75% e pola Xunta de Galicia nun 25%, foi de 3270 €.

Neste mes de xuño, foron concedidas as seguintes subvencións á Confraría de Mugardos por parte da Xunta de Galicia:

-PE209B: Axudas a proxectos colectivos para a conservación e restauración da biodiversidade e dos ecosistemas mariños no marco de actividades marisqueiras sustentables, cun orzamento de 53.295,06 €, mediante a cal se realizará unha rexeneración dun área fangosa de 12.000 metros cadrados na enseada de O Baño mediante unha adición de áridos, coa finalidade de aumentar a superficie de fixación para os organismos mariños.

-PE209G: Axudas autonómicas para proxectos colectivos de modernización das infraestruturas dos portos pesqueiros, das lonxas ou establecementos autorizados para a primeira venda de produtos pesqueiros e dos lugares de desembarque, para a mellora da eficiencia enerxética, da protección do medio ambiente, da seguridade e das condicións de traballo, e da calidade e do control e rastrexabilidade dos produtos desembarcados da pesca, mediante a cal se solicitaron as seguintes melloras para a entidade.

-Adquisición dunha máquina hidrolimpadora para unha limpeza máis sinxela, rápida e eficiente das instalacións nas cales se manipulan os produtos da pesca. Concesión de 854.55 €.

-Tarefas de restauración de pintura da lonxa, mediante as cales se restaurará o chan e o zócalo da lonxa e da habitación da cámara de frío empregada polos armadores co uso de pinturas antideslizantes, antifúnxicas e antibacterianas. Concesión de 1.920 €.

-Adquisición de dúas básculas de maior capacidade para a lonxa do marisco e da habitación da cámara de frío, coas que se levarán a cabo unhas pesaxes máis rápidas e precisas. Concesión de 3.270 €.

-Adquisición dunha máquina de xeo para a habitación da cámara frigorífica, para manter en todo momento a cadea de frío e garantir a frescura e estado óptimo dos produtos da pesca. Concesión de 20.430 €.

Estas axudas están cofinanciadas polo Fondo Europeo Marítimo e da Pesca (FEMP) nun 75% e pola Xunta de Galicia nun 25%.