Español
Gallego
Noticias
XANTAR FIN DE CAMPAÑA D@S MARISCADOR@S DE A PÉ
A Agrupación de Mariscadores/as de a Pé da confraría de pescadores de Muros presidida por Adela Lestón Mayo, organizou como ven sendo habitual todos os anos este pasado sábado día 16 de setembro, a tradicional xuntanza anual “FIN DE CAMPAÑA”, coa celebración dun xantar en Casa Jurjo, onde participan, a máis dos profesionais da confraría de Muros, os compañeiros e compañeiras da confraría de Noia que este ano tiveron a oportunidade de mariscar nas nosas autorizacións.
Durante a sobremesa procedeuse a celebración dun acto moi emotivo, no cal se rendeu homenaxe as profesionais que se xubilaron neste ano, facéndolles entrega por parte das autoridades presentes dun recordo deste acto a cada unha delas.
Ademais de Patrón Maior Daniel Formoso e a Presidente da Agrupación Adela Lestón, tivemos a honra de contar coa participación do Conselleiro do Mar Alfonso Villares, da ex-conselleira e Deputada Nacional Rosa Quintana, da Directora Xeral de Desenvolvemento Susana Rodríguez, da Subdirectora Montse Castro e da Xefa Territorial María Cancelo, que departiron con todos os presentes amigablemente e en confraternidade.
Cabe resaltar tamén o recoñecemento e cariño recibido por parte da ex-conselleira Rosa Quintana por parte de todos os asistentes, e a emoción que xurdiu cando tomou a palabra para dirixirse os/as profesionais e despedirse da súa actividade na Consellería do Mar.
O compañeirismo e a diversión e ledicia estivo presente durante toda a xornada, non en van, este é o motivo fundamental da celebración desta xantar de confraternización, salvo para aljunhas, contadiñas, que non están a iso............unha pena!
PROXECTO COLECTIVO PARA A PROTECCIÓN E RECUPERACIÓN DA BIODIVERSIDADE DOS ECOSISTEMAS MARIÑOS NO MARCO DE ACTIVIDADES PESQUEIRAS SUSTENTABLES MEDIANTE A RECOLLIDA DE RESIDUOS MARIÑOS
PLAN MARLIMPO -- CONSELLERÍA DO MAR DA XUNTA DE GALICIA
Proxecto cofinanciado nun 75% polo Fondo Europeo Marítimo e de Pesca (FEMP)
A Confraría de Pescadores de Muros, ten o pracer de convidarvos á Xornada de presentación de resultados do “PROXECTO CONXUNTO DE RECOLLIDA DE LIXO MARIÑO CONFRARÍAS DE MUROS E O PINDO” 2022-2023. Iniciativa enmarcada no Plan MarLimpo- Mar Vivo da Consellería do Mar da Xunta de Galicia para proxectos colectivos para a Protección a Recuperación da Biodiversidade dos Ecosistemas Mariños no Marco de Actividades Pesqueiras Sustentables Mediante a Recollida de Residuos Mariños. A xornada celebrarase o día 1 de setembro de 2023 en horario de 18:00 h a 19:00 h na antiga Fábrica de SelPor temas de aforo é preciso inscribirse enviando un correo a ardora@ardoraformacion.com antes do 29/08/2023
AVISO DE ZONAS DE SEGURIDADE
Tal e como se pode comprobar no plano que achegamos, sinalamos a zona de seguridade para o lanzamento dos fogos de artificio nas datas do 29 de xuño e 16 de xullo ás 12:00 horas respectivamente.
Por conseguinte, eses dous pantaláns deben obrigatoriamente quedar libres de embarcacións antes da hora indicada eses días.
Para evitar problemas non desexados por todos, rogamos se teñe en consideración este aviso e se cumpra o mesmo.
Saúdos e felices festas a todos!
INICIO DA CAMPAÑA MARISQUEIRA DE A FROTE PARA LIBRE MARISQUEO
A partir do próximo Luns DÍA 26 e ata o 28 de XUÑO, realizarase a CAMPAÑA MARISQUEIRA para os profesionais de MARISQUEO A FROTE, dentro das zonas de LIBRE MARISQUEO, consonte se sinala no plano que achegamos.
INDICAR que esto sólo atinxe a estes días 26, 27 e 28 de xuño, para logo a partir do día e de XULLO publicar novas NORMAS.
OBRAS DE PINTADO DO PORTO DE MUROS.
Comunicamos que Portos de Galicia vai realizar obras de pintado de toda a zona portuaria. Por conseguinte, para levar a cabo as mesmas é imprescindible ir acotando as diferentes zonas en función dos traballos e días que se van realizando. Visto o cal, achegamos un plano onde se definen as datas e zonas a pintar e acotar cada día, e que hai que ter en conta para non ser utilizadas nin estar permitido o estacionamento.
RESOLUCIÓN DA XEFA TERRITORIAL DA CONSELLERÍA DO MAR NA CORUÑA POLA QUE SE PUBLICA A LISTAXE DE PERSOAS ASPIRANTES SELECCIONADAS NO PROCESO SELECTIVO PARA O ACCESO AO PERMISO DE EXPLOTACIÓN NA MODALIDADE DE MARISQUEO A PÉ PARA O EXERCICIO DA ACTIVIDADE EXTRACTIVA NO ÁMBITO DA CONFRARÍA DE PESCADORES DE MUROS E SE ABRE O PRAZO PARA A PRESENTACIÓN DE DOCUMENTACIÓN.
RESOLVO:
1. Facer público a listaxe definitiva das persoas que superaron o proceso selectivo e as que non o superaron, para o acceso ao permiso de explotación na modalidade de marisqueo xeral a pé para o exercicio da actividade extractiva no ámbito da confraría de pescadores de Muros.
2. As persoas seleccionadas disporán dun prazo de quince (15) días hábiles, a contar a partir do seguinte ao da publicación da presente resolución, para achegar a documentación que figura na base 3.2 do anexo A da convocatoria:
a) Certificado de estar empadroada nun municipio do litoral de Galicia. Esta documentación non será necesaria que se presente no caso de consentimento expreso da persoa para comprobar os datos de residencia mediante consulta ao sistema de verificación de datos de acordo co Decreto 255/2008, do 23 de outubro, e a Orde do 7 de xullo de 2009.
b) Certificado da Seguridade Social de non ser perceptora de pensións de xubilación, grande invalidez, incapacidade permanente absoluta, incapacidade permanente total, en favor de familiares ou perceptor da renda de integración social de Galicia. As persoas perceptoras da renda de integración social deberán renunciar a ela. Non será necesario en caso de autorización á Consellería do Mar para a consulta destes datos.
c) Documentación acreditativa de non estar incapacitada para exercer os labores de marisqueo.
d) Dúas fotografías de tamaño carné actuais e iguais, co seu nome escrito por detrás. As persoas que dentro do prazo fixado non presentasen a documentación ou do exame dela se deducise que carecen dalgún dos requisitos sinalados, entenderase que desisten da súa solicitude. Neste suposto, emitirase unha nova resolución modificando esta, consonte aos prazos e forma recollidos nos parágrafos anteriores, declarando vacante a praza correspondente, polo desistimento da persoa que non presentou a documentación ou carece dos requisitos.
As persoas que dentro do prazo fixado non presentasen a documentación ou do exame dela se deducise que carecen dalgún dos requisitos sinalados, entenderase que desisten da súa solicitude. Neste suposto, emitirase unha nova resolución modificando esta, consonte aos prazos e forma recollidos nos parágrafos anteriores, declarando vacante a praza correspondente, polo desistimento da persoa que non presentou a documentación ou carece dos requisitos.
Neste suposto, emitirase unha nova resolución modificando esta, consonte aos prazos e forma recollidos nos parágrafos anteriores, declarando vacante a praza correspondente, polo desistimento da persoa que non presentou a documentación ou carece dos requisitos.
ASUNTO: ORDE POLA QUE SE CONVOCAN SUBVENCIÓNS PARA A OBTENCIÓN DE AVAIS DE SAECA POLO SECTOR PESQUEIRO.
Publicouse a Orde do 27 de abril de 2023 pola que se convocan as subvencións previstas no Real Decreto 388/2021, do 1 de xuño, polo que se establecen as bases reguladoras das subvencións destinadas á obtención de avais da Sociedade Anónima Estatal de Caución Agraria S.M.E. (SAECA) por titulares de explotacións agrarias, de operadores económicos do sector pesqueiro ou de industrias agroalimentarias que garantan préstamos para o seu financiamento.
Remitímoslles copia da mencionada Orde.
O Real Decreto 388/2021 ao que se fai referencia, foi publicado en:
«BOE» núm. 131, de 2 de junio de 2021
Beneficiarios.
Os armadores ou propietarios de buques pesqueiros da lista terceira de alta no Rexistro Xeral da Frota Pesqueira e en posesión da licenza de pesca en vigor ao comezo do período de referencia, e as entidades asociativas pesqueiras.
Características e contías. O custo dos avais obxecto de subvención será, para a comisión de estudo, o 0,50% do importe avalado, por unha soa vez á formalización do préstamo, e para a comisión do aval, o 1,15% anual sobre o saldo vivo do préstamo avalado.
Financiarase a comisión de estudo do aval de SAECA nos seguintes casos:
- Armadores ou propietarios de buques pesqueiros que non teñan máis de corenta anos.
- Solicitantes integrados nunha entidade asociativa prioritaria de carácter agroalimentario ou nunha organización de produtores recoñecida.
Límite da contía da subvención. No sector da pesca e da acuicultura limítase aos 30.000€ de axudas de minimis durante tres exercicios fiscais.
O prazo de presentación de solicitudes comezará o día seguinte ao da publicación deste extracto no BOE e finalizará o 15 de outubro de 2023.
ENLACES:
