Proyectos

O proxecto pretendía mellorar a xestión e conservación das especies explotadas, recuperando a producción nos bancos con perda de producción, evitando o abandono dos mesmos e a sobreexplotación noutras zonas. A falta de exemplares de bivalvos comerciais nos bancos citados fixo que se pasara de traballar mais de 100 xornadas no 2018 a soamente 56 no 2019; e que do mais do centenar de persoas que traballaban diariamente na mesma a finais de 2017, se pasara a cero nos últimos meses de 2019. De xeito que o obxectivo do proxecto é acadar unha mellora productiva nos bancos de Puntal (que no 2021 grazas á ameixa sementada se incremente un 5% as capturas acadadas respecto ás do 2019) e no de Area Nova Puntal Rio do Medio (que no último trimestre de 2021, por ser un banco no que se traballa habitualmente entre outubro e marzo, se incremente o número de mariscadores que traballan na mesmo respecto aos que traballaron nese trimestre no 2019). As actividades veñen de ser realizadas no mes de outubro de 2020.

Ao abeiro da orde de axudas da Deputación de Pontevedra para mellora dos servicios aos socios, no 2019 a confraría de Arcade adquiriu un elemento de transporte isotermo, e realizou a instalación dun sistema de monitorización das aguas e nas piscinas das anguías.

O proxecto consistiu na realización de tarefas de conservación, recuperación e protección da biodiversidade no ámbito territorial, sito en Rede Natura 2000, da confraría de pescadores Virxe do Carmen de Arcade, e na realización de tarefas de sensibilización ambiental entre os seus asociados. Para levalo a cabo foi preciso contratar un técnico en xestión de recursos mariños, e os servizos de vixilancia de 3 gardapescas. 

Os obxectivos principais do mesmo son a xestión responsable e sostible dos recursos e hábitats costeiros, e o fomento de sensibilización ambiental. Os resultados conseguidos, xuntase memoria final, foron a  Avaliación do estado de conservación e da biodiversidade da zona, a Xestión responsable e sustentable das zonas de producción, o Fomento da sensibilización ambiental, o Incremento de coñecemento da Directiva Marco Estratexia Mariña (DMEM), o  Control de acceso ás zonas de pesca, e o Control de capturas nas zonas de pesca e desembarco.

O proxecto consiste na estabulación de reprodutores de ostra plana (Ostrea edulis) en poches sitos no banco marisqueiro intermareal de RIo Alvedosas co fin de contar cun stock de proxenitores que permitan, a medio prazo, restaurar o banco natural de ostra plana da Ensenada de San Simón. Compre citar que no mesmo contouse coa colaboración do Instituto Galego de Formación en Acuicultura (IGAFA) que cedeu varios lotes de ostra que permiten que as actividades do proxecto continuen.

O proxecto ten coma obxectivo o incremento do control e a rastrexabilidade dos productos da pesca mediante a automatización das operacións que forman parte do proceso de comercialización en primeira venta: clasificación dos produtos en función da talla, pexase dos lotes, etiquetado.... para o que se adquiriu unha calibradora de moluscos con plataformas de pesaxe, unha unidade de xestión e control do pesaxe e o software de control que integre a información no sistema de xestión da confraría.